Aðstoð í efnahagskreppu

Enginn á að missa heimili sitt vegna Covid-19
Hagsmunasamtök heimilanna bjóða félagsmönnum og öðrum sem til samtakanna leita aðstoð í efnahagslægðinni sem nú gengur yfir.

Ef þú þarft á aðstoð að halda og óháðri ráðgjöf sendu þá fyrirspurn á
adstod@heimilin.is. Við leggjum áherslu á að svara öllum fyrirspurnum eins fljótt og við getum og leiðbeina um lausnir eða bjóða fram aðstoð eftir því sem við á.

Félagsmálaráðuneytið hefur veitt samtökunum myndarlegan styrk til hagsmunagæslu fyrir heimilin í efnahagslægðinni ásamt átaki í lögfræðilegri ráðgjöf og stuðningi við heimili í greiðsluerfiðleikum.

Aðstoð og óháð ráðgjöf 
Samtökin vilja leggja sitt að mörkum með því að bjóða heimilum í vanda aðstoð við að átta sig á þeim leiðum og úrræðum sem í boði eru. Sérfræðiþekking samtakanna snýr að lögfræðilegri ráðgjöf vegna viðskipta heimilanna á fjármálamarkaði og að beita sér fyrir hagsmunum heimilanna á opinberum vettvangi.

Hagsmunasamtök heimilanna bjóða heimilum:

Lögfræðilega ráðgjöf: Vegna lánssamninga og annarra fjárhagslegra skuldbindinga þannig að ekki sé brotið á réttindum neytenda á fjármálamarkaði.

Lausnamiðaða málsvörn: Samtökin leita lausna á efnahagserfiðleikum og tala máli heimilanna gagnvart fjármálastofnunum.


Fréttatilkynning frá samtökunum 4. febrúar 2021: Óháð ráðgjöf fyrir heimilin í efnahagskreppu


© Hannað af Filmís 

Hagsmunasamtök heimilanna voru stofnuð 15. janúar 2009 og eru frjáls og óháð hagsmunasamtök á neytendasviði, til varnar og hagsbóta fyrir heimilin í landinu.

Orð frá formanni

CEO 

Orð frá formanni Varlega áætlað hafa 15.000 fjölskyldur, 45.000 einstaklingar misst heimili sín frá hruni. Enginn hefur svarað fyrir það, hvað þá axlað á því ábyrgð. 

Þegar 15% þjóðarinnar missa heimili sín, gætir áhrifanna víða. Við sjáum þau í ástandinu á leigumarkaði og við sjáum þau líka í auknum kvíða meðal ungmenna og kulnun hjá þeim sem eldri eru.

Þegar fólk er svipt heimilum sínum glatar það öryggi sínu sínu og fótfestu. Þegar við bætist magnvana reiði og örvænting vegna óréttlætisins sem það stendur frammi fyrir ásamt hjálpar- og varnaleysinu sem það upplifir þegar heimilinu er hreinlega stolið af því, er ekki nema von að eitthvað láti undan.

Spillingin í þjóðfélaginu er djúp og hún á sér margar hliðar. Hún birtist ekki bara í háu húsnæðisverði og skelfilegum leigumarkaði eða háum vöxtum og verðtryggingu, hún birtist ekki bara í því hvernig lífeyrissjóðirnir misfara með fé okkar allra eða í „krónu á móti krónu“ skerðingu, hún birtist ekki bara í lágum launum verkafólks á meðan sjálftökufólk af ýmsum toga skammtar sjálfu sér milljónir, hún birtist ekki bara í spilltum dómstólum sem gæta hagsmuna „hinna sterku“ í dómum sínum eða í því hvernig lög- og stjórnaskrárvarin réttindi hafa verið brotin á neytendum frá hruni með skelfilegum afleiðingum.

Nei, hún birtist í þessu öllu og meiru til. Spillingin er djúp og teygir anga sína víða. Hana þarf að rífa upp með rótum til að hægt sé að byggja upp nýtt og betra þjóðfélag.

Fyrsta skrefið væri að að afnema verðtryggingu á lánum heimilanna! Öðruvísi er ekki hægt að skapa eðlilegan húsnæðismarkað eða stöðva sjálftöku fjármálastofnanna á tekjum fólks.

En til að takast á við ræturnar þarf að fara fram rannsókn á aðgerðum stjórnvalda eftir hrun. Jú það var líka spilling fyrir hrun, en þá urðu ákveðin vatnaskil og það var þá sem meðvituð ákvörðun var tekin um að fórna heimilum landsins fyrir bankana.

15.000 heimili eiga skilið að fá svör og uppreist æru.

Við biðjum ykkur um að styðja kröfuna um Rannsóknarskýrslu heimilanna!

Ásthildur Lóa Þórsdóttir
Formaður HH

Fylgstu með á samfélagsmiðlum